ပြည်သူတွေ စိတ်နာလာပြီဆိုရင် " မောင်ဖုန်းတောင် "

 စိတ်နာသွားရင် မလုပ်ရဲတာ မရှိတော့ဘူး
===================

စစ်ကား ချောက်ထဲကျပြီး သေကြတယ်ဆိုတဲ့ Post တွေ့တော့ မောင်ဖုန်းတောင် ကို
ပြေးသတိရ လိုက်တယ်။

ရှမ်းပြည်နယ် မြောက်ပိုင်း ကျောက်မဲ နဲ့ သီပေါကြားမှာ
မောင်ဖုန်းတောင် ဆိုတာရှိပါတယ်။( ကားဆရာ အများပေးထားတဲ့တောင်ပါ)

၁၉၅၉ - ၁၉၆၀ ခုနှစ် ဝန်းကျင် လောက်က ဖြစ်ခဲ့တဲ့ အဖြစ်အပျက် လေးတခုပေါ့

မောင်ဖုန်းလို့ ခေါ်တဲ့ ကားဒရိုင်ဘာ နှင့် စပါယ်ယာ မောင်းနှင်လာတဲ့ကားကို ကျောက်မဲမှာ ထမင်းစား နားနေတုန်း

စစ်ကြောင်းတစ်ခုက စစ်ကြောင်းမှူးက မောင်ဖုန်းကားကိုချောဆွဲရာမှ စတယ်လို့ပြောရမှာပေါ့

ကားဆရာ မောင်ဖုန်းနှင့် သူ့ စပါယ်ယာ နှစ်ယောက်တို့က ကျောက်မဲမှာ ထမင်းစားနားနေတုန်း

စစ်ကြောင်း တခု က စစ်ကြောင်းမှူး က " ခင်ဗျားကားကို ကျုပ်တို့ချောဆွဲတယ်" " ကျုပ်တို့ သွားရမဲ့နေရာ လိုက်ပို့ရမယ် " ဆိုပြီး သေနပ်ထောက် အမိန့်ပေးခိုင်းစေတယ်

ကားဆရာကလည်း " ဗိုလ်ကြီးရယ် ထမင်းစားတုန်း မို့ခဏလေး စောင့်ပါ" လို့ပြောပါတယ်

စစ်ကြောင်းမှူးက " ကျုပ်တို့ကအချိန်မရဘူး မြန်မြန်စား" လို့ပြောတယ်

ကားဆရာကလည်း "အချိန်မရရင် တ ခြားကားနဲ့သွား " ဖို့ပြောလိုက်တယ်

"မင်းကဘာကောင်မို့လို့လဲ " ဆိုပြီး ဆဲဆိုပြီး ထမင်းစား နေတဲ့ကားဆရာ မောင်ဖုန်းကို ပါးထရိုက် ပြီးရိုင်းရိုင်းစိုင်းစိုင်း ဆက်ဆံ ခဲ့တယ်

အဲဒီ ကစပြီး ကားဆရာမောင်ဖုန်းနဲ့့့စစ်ကြောင်းမှူးတို့ပြဿနာ ဖြစ်ပီး ကားဆရာ ဟာ
စစ်သားတွေအပေါ် စိတ်နာပြီး မကျေမလည်နဲ့ ခရီးဆက်ခဲ့ကြတယ်။

ခရီးထွက်ခါနီး ကားဆရာက သူ့ရဲ့စပယ်ယာဖြစ်သူကိုတော့ ဟွန်းသုံးချက်တီးပြီး အချက်ပေးတဲ့ နေရာရောက်ရင် ကားပေါ်ကနေ ခုန်ဆင်း ဖို့တခါထဲ မှာကြားထားတယ်။

ဒါကြောင့် ကားဆရာက သီပေါနဲ့ကျောက်မဲ ကြား အဲဒီတောင်ထိပ်က
အကွေ့ အဆင်းမတ်စောက်တဲ့နေရာ အရောက်မှာ စပယ်ယာကို အချက်ပြတဲ့အနေနဲ့ ဟွန်းသုံးချက်တီးပြီး ကားကိုချောက်ထဲမောင်းချလိုက်တော့တယ်

စပယ်ယာ ခုန်ဆင်းတာကို လှမ်းဆွဲလိုက်တဲ့ စစ်သားတစ်ယောက်
ကလည်း ပြုတ်ကျပြီး ကျန်ခဲ့လို့အသက်ရှင်ကျန်ခဲ့တယ်။
ကား ရယ် မောင်ဖုန်း နှင့် ကားနောက်ခန်းက စစ်သားတွေကတော့ ချောက်ထဲကျပြီး
သေဆုံး သွားခဲ့ပါတယ်

ခုတော့ အဲ့နားလေး မှာ အရံအတား လေးရယ် စေတီလေး တစ်ဆူ တည်ထား တာ ကို ရှမ်း ပြည်နယ် မြောက်ပိုင်း
ဖြတ်သွားတိုင်း မြင်တွေ့ကြရမှာပါ။

ကျနော်လည်း မောင်ဖုန်းတောင်နားရောက်တိုင် လေးစားဂုဏ်ပြု
သော အားဖြင့် ကားဟွန်းသုံးချက်တီး ပြီး ဆုတောင်းသတိရ အမျှဝေပါတယ်။
ပြည်သူတွေ စိတ်နာလာပြီဆိုရင်
အဲ့လိုတွေ ဖြစ်လာတတ်ပါတယ်။

ခုလဲ ပြည်သူတွေ မင်းတို့ကို စိတ်နာလှပြီ။ သိကြဖို့ပါ။

မူရင်းရေးသားသော Post အား Edit လုပ်ထားပါသည်။
အရေးတော်ပုံအောင်ရမည်

Credit :  #CJ22222 @ 21-May
t.me/YgnCH01